Qapshaǵaıda temirjoldyń boıynda denesi ekige bólingen máıit tabyldy
TALDYQORǴAN.QazAqparat - Almaty oblysyna qarasty Qapshaǵaı qalasyndaǵy temirjoldyń boıynan denesi qaq ortasynan bólingen er adamnyń múrdesi tabyldy. Qazir oqıǵa ornynan túsirilgen jantúrshigerlik sýretter vatsap jelisi arqyly tarap jatyr, dep habarlaıdy QazAqparat tilshisi.
Sýrette er adamnyń máıitiniń janynda shólmek pen onyń syrtqy kıimi jatqanyn anyq kórýge bolady.
Qapshaǵaı qalalyq ákimdigi oqıǵany rastady. Olar bergen málimetke sáıkes, jantúrshigerlik jaǵdaı qazannyń segizi kúni kúndizgi saǵat 9:50-der shamasynda bolǵan. 1982 jylǵy Nurlan K.J. esimdi azamatty teplovoz qaǵyp ketken.
Berilgen aqparattyń ishinde, qaıtys bolǵan azamat kazınolardyń birinde oınap, jeńilip qalǵan. Marqumnyń múrdesi tabylǵan jerden «Morosha» ishimdigi, «Rıchmond» temekisi jáne syrtqy kıimi tabylǵan. Denesi qaq ortasynan bólingen azamat Qarasaı aýdanynyń turǵyny eken.
Osyǵan deıin áleýmettik jelilerde Almaty oblysynda oqýshy qyzdan taıaq jep, qansyrap otyrǵan ájeıdiń vıdeosy taraǵan bolatyn.
