Qapshaǵaıda tabylǵan medıtsınalyq qaldyq joıyldy

QAPShAǴAI. QazAqparat - Qapshaǵaı qalasynyń Vostochnyı shaǵyn aýdanyndaǵy jaǵalaý aımaǵynda tabylǵan medıtsınalyq qaldyqtar kádege jaratyldy, dep habarlaıdy QazAqparat Ekologııa, geologııa jáne tabıǵı resýrstar mınıstrligine silteme jasap.

Mınıstrlik, Qapshaǵaı qalasynyń Vostochnyı shaǵyn aýdannyń jaǵalaý aımaǵynda medıtsınalyq qaldyqty tastaý faktisi boıynsha, onda Almaty oblysy boıynsha Ekologııa departamentiniń memlekettik ekologııalyq ınspektory barǵanyn habarlady. Sapar kezinde qala ákimdigi men «Qapshaǵaı Kórkeıtý» JShS jaǵalaýdy tazalaǵany anyqtaldy, sodan keıin qaldyqtar (paıdalanylǵan shprıts, ınfýzııalyq júıe jáne t.b.) ary qaraı ýtılızatsııalaý úshin polıgon aýmaǵyna ýaqytsha jetkizilgen.

«Qazirgi ýaqytta medıtsınalyq qaldyqtar «MV Arna« JShS mamandandyrylǵan uıymynda joıyldy. Sondaı-aq, jergilikti polıtsııa qyzmeti osy qaldyqtyń ıesin anyqtaý úshin tergeý is-sharalaryn júrgizip jatqanyn habarlaımyz», delingen habarlamada.

Eske sala ketsek, Qapshaǵaı qalasynyń «Shyǵys» yqsham aýdany mańyndaǵy shuńqyrlardan kóp medıtsınalyq qaldyq tabylǵan edi.