Qapshaǵaıda sýǵa ketken 6 adamnyń isi oqys oqıǵalar retinde tirkeldi
ALMATY. QazAqparat - Almaty oblysynda 14-15 shilde kúnderi 6 adam sýǵa batyp ketken. Barlyq faktiler oblystyq ІІD-niń Sotqa deıingi tergep-tekserýdiń biryńǵaı tizilimine oqys jaǵdaılar retinde tirkelgen, dep habarlaıdy QazAqparat tilshisi.
«Medıtsınalyq saraptama sýǵa ketkenderdiń ishinde mas kúıinde bolǵandardyń bar-joǵyn anyqtaıdy. Oqıǵaǵa kýá bolǵandardyń aıtýynsha, kóbi alysqa júzip ketip, jaǵaǵa jete almaı qalǵan. Onyń ústine, sol kúnderi aýa raıy qolaısyz boldy. Barlyq oqıǵa Sotqa deıingi tergep-tekserýdiń biryńǵaı tizilimine oqys jaǵdaılar retinde tirkeldi», - dedi Almaty oblystyq ІІD basshysy Sergeı Neznaev.
14-15 shilde aralyǵynda Almaty oblysyndaǵy Qapshaǵaı sý qoımasyna 6 batyp ketkenin buǵan deıin habarlaǵan bolatynbyz. Sondaı-aq dál osy kúnderi 51 adam qutqarylǵan. Onyń 9-y adasyp qalǵan balalar. 12 adam alǵashqy medıtsınalyq kómektiń arqasynda aman qalǵan.
