Qapshaǵaıda sýǵa batyp bara jatqan jasóspirim qutqaryldy
Almaty oblysy TJD Qapshaǵaı sý qoımasynda jasóspirimniń qutqarylǵanyn málimdedi dep habarlady QazAqparat.
«2023 jylǵy 9 maýsymda saǵat 18:20-da Almaty oblysy TJD kezekshi bólimine 2009 jyly týǵan qyz Qonaev qalasyndaǵy Qapshaǵaı sý qoımasynyń qalalyq jaǵajaıynda sýǵa batyp bara jatqany týraly habarlama kelip tústi. Oqıǵa ornyna Qonaev qalasynyń jedel-qutqarý jasaǵynyń qyzmetkerleri dereý jiberildi. Shomylý kezinde jaǵadan 200 metr qashyqtyqqa júzip ketken jáne qurlyqqa óz betinshe orala almaǵan qyzdy qutqarýshylar ata-anasy kútken jaǵaǵa jetkizdi», – dep jazylǵan habarlamada.
Qyzǵa medıtsınalyq kómek qajet bolmady. Almaty oblysy TJD azamattardan sýdaǵy qaýipsizdik erejelerin saqtaýdy suraıdy.
