Qapshaǵaıda sýǵa batyp bara jatqan Ulybrıtanııa azamaty qutqaryldy

QONAEV. QazAqparat - Qapshaǵaı sý qoımasynda jaǵadan 100 metr qashyqtyqta 49 jastaǵy Ulybrıtanııa azamaty qutqaryldy, dep habarlaıdy QazAqparat tilshisi.

Almaty oblystyq Tótenshe jaǵdaılar departamentiniń málimetinshe, 13 shilde kúni saǵat 18:55 shamasynda Qonaev qalasynyń jedel-qutqarý jasaǵynyń qutqarýshylary sýǵa batyp bara jatqan 1973 jyly týǵan er adamdy baıqap qalǵan.

«Qutqarýshylar er adamdy jaǵaǵa aman-esen alyp shyqty, brıtandyq azamat medıtsınalyq kómekke muqtaj bolǵan joq»,- dep habarlady vedomstvodan.

Almaty oblysynyń TJD azamattardan sýdaǵy qaýipsizdik erejelerin saqtaýdy suraıdy.

Buǵan deıin Qapshaǵaıda sheteldik stýdenttiń batyp ketkeni týraly jazǵan edik.