Qapshaǵaıda sý qubyry jaryldy
TALDYQORǴAN.QazAqparat - Qapshaǵaıda sý qubyry jaryldy. Tótenshe jaǵdaıdy alǵashqy bolyp turǵyndar aıtqan, dep habarlaıdy QazAqparat tilshisi.
Oqıǵa shahardaǵy 18 shaǵynaýdannda bolǵan. Sol mańdaǵy shuńqyrǵa sý tolyp, onyń kóleminiń ulǵaıyp jatqandyǵyn tıisti mekemege turǵyndar aıtqan. «Sý qubyry» mekemesiniń bas ınjeneri jetekshilik etken jedel top oqıǵa ornyna jetken. Stansa aýmaǵyn túgelimen qarap, tekserýden ótkizgen mamandar D-160 mm polıetılendi qubyrynyń jarylǵanyn anyqtady. Avarııalyq jaǵdaıdy joıý úshin arnaıy tehnıkalar jumyldyrylyp, sala azamattary der kezinde qubyrdy aýystyryp, jóndeý jumystaryn júrgizdi. Búginde kárizdik sorǵy stansasy jumysy óz deńgeıinde istep tur.
