Qapshaǵaıda sheneýnik saýda núktesin ornalastyrý úshin para talap etken
ASTANA. QazAqparat - Sybaılas jemqorlyqqa qarsy is-qımyldar Ulttyq bıýrosynyń Almaty oblysy boıynsha departamenti Qapshaǵaı qalasyndaǵy kásipkerlik bóliminiń basshysy Ch.Ormyshevti áshkereledi.
Vedomstvonyń baspasóz qyzmetiniń habarlaýynsha, Ch.Ormyshevtiń jeke tulǵany bopsalaý jolymen «Aısha Sıtı» jekemenshik bazarynyń aýmaǵynda saýda núktesin ornalastyryp, aldaǵy ýaqytta kásipkerlik qyzmetine qamqorlyq jasaýy úshin odan 3 000 AQSh dollary kóleminde para alǵany anyqtaldy.
Qazir osy is boıynsha sot aldyndaǵy tergeý amaldary júrgizilýde.
