Qapshaǵaıda polıtseıler jasyryn jumys jasaǵan kazınony anyqtady
TALDYQORǴAN. QazAqparat - Qapshaǵaı qalasy Polıtsııa bóliminiń qyzmetkerleri arnaıy reıd barysynda koronavırýs ınfektsııasynyń jappaı taralýynyń aldyn alýǵa baǵyttalǵan karantındik shekteýlerdi eskermeı, jasyryn qyzmet etken kazınonyń áreketin áshkereledi, dep habarlaıdy QazAqparat tilshisi.
«Oblystyq Bas sanıtarlyq dárigerdiń qaýlysyna sáıkes barlyq kazınolardyń qyzmetine shekteý qoıylǵan. Alaıda, qaladaǵy bir kazınonyń oıynshylardy qabyldaǵany anyqtaldy. Biz barǵanda oıyn mekemesinde 60 jýyq adam boldy. Atalǵan derek boıynsha jınaqtalǵan foto-beıne materıaldar tıisti shara qolaný úshin múddeli memlekettik organǵa jiberildi»,- dedi qalalyq Polıtsııa bóliminiń bastyǵy polıtsııa maıory Manat Aıtmuhanbetov.
Sanıtarlyq dárigerdiń qaýly talaptaryn saqtamaı, karantın erejelerin óreskel buzǵan kazıno ıesine 900 myń teńgeden astam aıyppul salynǵan.
Esterińizge sala keteıik, indettiń aldyn alý úshin tártip saqshylary halyqqqa tegin medıtsınalyq betperdeler taratyp, qoǵamdyq oryndarda, kólikterde sanıtarlyq-qaýipsizdik sharalaryn qatań saqtaý jáne betperdeni taǵyp júrý qajettiligi týraly túsindirý jumystaryn turaqty túrde júrgizýde.
