Qapshaǵaıda óte jeńil gıroplandardy jınaı bastaıdy
TALDYQORǴAN. 31 tamyz. QazAqparat - Máskeý qalasyndaǵy «MRT» kompanııalar tobynyń dırektorlar keńesiniń tóraǵasy Roman Pýtın men Almaty oblysynyń ákimi Ańsar Musahanov yntymaqtastyq týraly memorandýmǵa qol qoıdy.
«Gıroplan týrızmdi damytý úshin óte paıdaly. Bul rette Qapshaǵaı qalasy oblystaǵy mańyzdy týrıstik ortalyqtardyń biri bolyp tabylady, biraq onyń aýmaǵynda Almaty oblysynda týrlar ótkizýge arnalǵan laıyqty kólik quraldary joq. Sondyqtan gıroplandardy qoldanýdyń bolashaǵy zor», - dedi óńir basshysy Ańsar Musahanov.
Qapshaǵaıda qurastyrý jumystary ǵana júrgiziledi, al jıyntyqtaýshy bólikter Reseıden keledi. Budan basqa, kepildendirilgen jáne kepildendirýden keıingi tehnıkalyq qyzmet kórsetýdi qamtamasyz etý úshin áýe alańy men qyzmet kórsetý ortalyǵy, gıroplandardyń ushqyshtarynyń oqytylýyn jáne ushýǵa jaramdylyǵyn qamtamasyz etetin júıe uıymdastyrylady. Medıtsınalyq kitapshasy, 35 saǵattyq ushý merzimi jáne teorııalyq daıyndyǵy bar kez-kelgen adam ushqysh bola alady.
Bul ushatyn apparatty halyq arasynda gıroplan dep atap ketken. Ushaq tehnıkasymen salystyrǵanda, ol tikushaqtardan eki ese arzan, energııalyq resýrstar boıynsha segiz ese únemdirek. 95-shi markaly benzınmen jumys isteıdi, daıyndalmaǵan alańdarǵa qona alady. Bir apparattyń baǵasy shamamen 100 myń dollardy quraıdy.
