Qapshaǵaıda oqqa ushqan sarbaz basqa aýrýhanaǵa aýystyryldy
QAPShAǴAI.QazAqparat - 12 naýryz kúni óte aýyr jaǵdaıda Qapshaǵaı qalalyq aýrýhanasyna túsken Ertýǵan Omarhanov esin jıdy. 21 jastaǵy naýqas Almaty qalasyndaǵy oblystyq kópsalaly aýrýhanaǵa aýystyryldy, dep habarlaıdy QazAqparat tilshisi.
Qapshaǵaı qalalyq aýrýhanasynyń bas dárigeri Aıman Raqyshevanyń aıtýynsha, 12 naýryz kúni Ertýǵan Omarhanov óte aýyr jaǵdaıda aýrýhanaǵa jetkizilgen. Áskerı sarbazǵa 6 saǵat shamasynda ota jasalǵan.
«Basyna ota jasaldy. Qan kóp ketti. Dárigerlerdiń kásibıliginiń arqasynda ota sátti ótti. Al naýqasty Almaty qalasyna aýystyrýymyzdyń sebebi, kópsalaly aýrýhanada bizden qaraǵanda múmkindik kóp», dedi A. Raqysheva.
Aıta ketsek, Almaty oblysyndaǵy 7552 áskerı bóliminiń áskerı sarbazy tún ishinde oqqa ushqan. Jumbaq jaǵdaıdyń mán-jaıy anyqtalyp jatyr. Al Otan aldyndaǵy boryshyn óteýge kelip, oqqa ushqan azamat Shyǵys Qazaqstan oblysynyń týmasy.
