Qapshaǵaıda muz ústinde qalyp qoıǵan balyqshy qutqaryldy
QONAEV. KAZINFORM – Qapshaǵaıda balyq aýlaýǵa barǵan er adam ózdigimen jaǵaǵa jete almaı qalǵan.
Almaty oblysy TJD-nyń málimetinshe, 16 aqpan kúni saǵat 08:52-de Qapshaǵaı sý qoımasynyń «Golýboı zalıv» ýchaskesi aýmaǵyńda synǵan muzdyń ústinde 1949 jyly týǵan er adamnyń qalyp qoıǵany týraly habarlama túsedi.
Oqıǵa ornyna Qonaev qalasynyń jedel-qutqarý jasaǵynyń qutqarýshylary jiberildi.
Belgili bolǵandaı, er adam túngi ýaqytta balyq aýlaýǵa kelgen. Tańerteń muz synyp ketken soń, er adam ózdiginen jaǵaǵa shyǵa almaı, qutqarý qyzmetine habarlasqan.
«Qonaev qalasy jedel-qutqarý jasaǵynyń 8 qutqarýshysy, 2 tehnıkasy men júzý quraldarynyń kúshimen balyqshy jaǵaǵa jetkizildi. Medıtsınalyq kómekke muqtaj bolǵan joq», - dep habarlady Almaty oblysy TJD baspasóz qyzmeti.
Almaty oblysynyń TJD halyqty sý aıdyndarynda qaýipsizdik erejelerin saqtap, juqa muzdyń ústine shyqpaýǵa keńes berdi.
