Qapshaǵaıda múgedek áıeldi qorlaǵan bala ıývenaldyq polıtsııa bólimshesine tirkeýge alyndy
ALMATY. QazAqparat - Almaty oblysynda múgedek áıeldi qorlaǵan balanyń serigi, dosynyń áreketin tamashalap turǵan balaǵa qandaı shara qoldanatynyn polıtseıler aıtyp berdi, dep habarlaıdy QazAqparat tilshisi.
«Múgedek áıeldi qorlaǵan 10 jasar bala ıývenaldyq polıtsııa bólimshesine esepke alyndy. Ekinshi balany da anyqtadyq. Ol Qapshaǵaıǵa basqa óńirden qydyryp kelgen. Onyń tarapynan ozbyr áreketter bolmaǵandyqtan, eshqandaı shara qoldanylmady. Ol óziniń joldasyna toqtaý aıtýy kerek edi, olaı etpedi. Onyń ata-anasymen tárbıe saǵaty júrgizildi », - dedi Almaty oblysy ІІD resmı ókili Sergeı Neznaev.
Buǵan deıin belgili bolǵandaı beınejazbadaǵy bala tolyq emes otbasynda tárbıelengen. Onyń anasy 3 balany jalǵyz asyrap otyr.
Ol 127-bap boıynsha óz mindetin durys atqarmaǵany úshin ákimshilik jaýapkershilikke tartylǵan. Atalǵan bap boıynsha 7-den 20AEK ke deıin, ıaǵnı 16 835 - 48 100 teńge aıyppul tóleý qarastyrylǵan.
Eske sala ketsek, Qaznette múgedek áıeldi keleke etken balanyń áreketine qatysty vıdeo tarap ketken bolatyn.
