Qapshaǵaıda memlekettik-jekeshelik áriptestik aıasynda alǵashqy sporttyq keshen salynady
QAPShAǴAI. QazAqparat - Memlekettik-jekeshelik áriptestik baǵdarlamasy negizinde Qapshaǵaıda alǵash ret sport kesheni boı kótermek, dep habarlaıdy QazAqparat.
Qazirgi kúni nysannyń jobalyq-smetalyq qujaty daıyndalyp, memlekettik saraptamadan ótken. Qurylys jumystary jaqynda bastalady. Atalmysh nysan qalanyń ortalyq saıabaǵyna qarasty «Demalys» aýmaǵynda salynady.
Jalpy 1,8556 gektar aýmaqty alyp jatady. Eki qabattan turatyn ǵımaratta sporttyń kez kelgen túrimen halyqtyń emin-erkin shuǵyldanýyna barlyq múmkindikter qarastyrylady.
Mysaly birinshi qabatynda kelýshilerdiń kıim ilý oryny, er jáne áıel adamdaryna jekelegen jýyný bólmeleri, kópshiliktiń tólem júrgizýi, medıtsınalyq bólimshe, boksqa, kúresýge arnalǵan jattyǵý jerleri men voleıbol, basketbol,tennıs, fýtbol oınaýǵa qajetti zaldarda oılastyrylǵan.
Al,ekinshi bóliginde ákimshilik bólmeleri, konferents jáne jınalys zaldary, 32 orynǵa arnalǵan tamaqtaný men shahmat oıyn alańy, qol shaıý syndy qajettiliktermen tolyqtaı qamtamasyz etilmek.
Sol sekildi qalǵan tómengi qabaty ınjenerlik-kommýnıkatsııalyq jelilermen jabdyqtalady. Sonymen birge, múmkindigi shekteýli adamdar úshin kiris jáne shyǵys jerlerde pandýstar, tótenshe jaǵdaı kezindegi shyǵý joldary men zaldarǵa kirý baǵyttarynda kótergishjabdyqtary jasalmaq. Al, minberde arbadaǵy múgedek jandarǵa arnalǵan arnaıy oryndar da qarastyrylǵan.
