Qapshaǵaıda kúzetshilerdi urǵan polıtseıler qamaýǵa alyndy
TALDYQORǴAN. QazAqparat - Qapshaǵaıda kafeniń eki kúzetshisin urǵan polıtseıler ýaqytsha ustaý ızolıatoryna qamaldy, - dep habarlaıdy QazAqparat tilshisi.
«Beınejazbada kúzetshilerdi uryp jatqan polıtsııa qyzmetkerleri ekeni kórinip tur. Birden ol adamdar ishki ister organynan jumystan shyǵaryldy. Kafeniń barlyq adamdarynan túsinikteme alyndy. Olar da polıtseılerdiń tarapynan buzaqylyq áreketi bolǵanyn rastap berdi. Eki kúzetshiden buzaqylardy qylmystyq jaýapqa tartý jóninde aryz tústi. Biz óz ustanymymyzda qalamyz, zańdy buzǵandar jaýapqa tartylady. Barlyq tártip buzǵan polıtseıler zań aldynda jaýap beredi. Keshe olar ustalyp, ýaqytsha ustaý ızolıatoryna qamaldy»,- dedi Almaty oblystyq polıtsııa departamentiniń bastyǵy Serik Kúdebaev Instagram jelisinde turǵyndarmen júrgizilgen tikeleı efır barysynda.
Esterińizge sala keteıik, búǵan deıin áleýmettik jelilerde Qapshaǵaı qalasynyń polıtseıleri ishimdik iship alyp, kafeniń kúzetshilerin urdy delingen jazba taraǵan bolatyn. Janjaldyń týyndaýyna kúzetshiniń áreketi sebep bolǵan. ıAǵnı, ol demalýshylarǵa demalys ornynyń jabylatynyn aıtyp, birneshe ret eskertý jasaǵan. Bul jaıt tártip saqshylaryna unamaǵanǵa uqsaıdy. Sol sebepti kúzetshilerdi urǵan bolýy múmkin.
Artynsha kafe kúzetshilerin urǵan 4 polıtsııa qyzmetkerleri jumystan qýyldy.
