Qapshaǵaıda kún elektr stansasy salynyp jatyr
ASTANA. QazAqparat - Kelesi jyly Qapshaǵaıda 400 gektar jerge kún sáýlesinen elektr energııasyn óndiretin stansasy iske qosylady, dep habarlaıdy QazAqparat tilshisi.
«Qapshaǵaı mańynda 400 gektar jerge otandyq kásipkerler 150 megavatt batareıaly eń iri kún elektr stansasyn salyp jatyr. Ony 2019 jyldyń alǵashqy toqsanynda iske qosý josparlanýda jáne alǵashqy ýaqytta 100 megavattyq batareıadan kún elektr qýatyn alynatyn bolady», - dedi Almaty oblysynyń ákimi Amandyq Batalov OKQ-de ótken baspasóz máslıhatynda.
Sonymen qatar, óńir basshysy Almaty oblysyndaǵy «Qorǵas - Shyǵys qaqpasy» AEA-da jalpy somasy 470 mlrd teńgeni quraıtyn 12 jobanyń júzege asyrylyp jatqanyn aıtty.
«Qorǵas -Shyǵys qaqpasy» arnaıy ekonomıkalyq aımaǵynda qazaqstandyq taýarlarǵa, onyń ishinde Almaty oblysy aýmaǵynda óndirilgen ónimderge qytaılyqtar tarapynan suranys joǵary. Balmuzdaq pen kondıter ónimderi kóp saýdalanady», - dedi ol.
Aıta ketsek, buǵan deıin oblys ákimi óńirde 32 myńnan astam jumys ornynyń ashylǵanyn aıtqan bolatyn.
Sonymen qatar, A.Batalov «7-20-25» turǵyn úı ıpotekalyq baǵdarlamasy boıynsha oblysta 100 myńnan astam páter beriletinin málim etken bolatyn. Odan bólek, Almaty oblysynda bıyl júgeri óndirýden rekordtyq ónim alynǵanyn habarlaǵan bolatynbyz.
