Qapshaǵaıda qudyq tazalap jatqan 3 adam mert boldy
QAPShAǴAI. QazAqparat - Qapshaǵaı qalasynyń 10-shy káriz-nasos stantsııasynda josparly tazalaý jumystaryn júrgizip jatqan 3 jumysshy kóz jumdy. Qaza bolǵandar 1964, 1965 jáne 1967 jyly týǵan azamattar, dep habarlaıdy QazAqparat tilshisi.
«28 tamyzda saǵat 11:49-da Almaty oblystyq TJD kezekshi bólimine Qapshaǵaı qalalyq káriz-nasos stantsııasynyń aýmaǵynda qudyqty tazartý jumysy barysynda 3 adam qaza boldy degen aqparat túsken. Boljam boıynsha, marqum bolǵandar metan gazynyń býyna ýlanýy múmkin. Qaza bolǵandardyń denesin qudyqtan TJD qyzmetkerleri shyǵaryp alǵan», - dedi Almaty oblystyq TJD baspasóz qyzmeti.
Oqıǵanyń mán-jaıy tekserilip jatyr.
