Qapshaǵaıda kópbalaly 15 otbasy baspanaly boldy

TALDYQORǴAN. QazAqparat - Qapshaǵaı qalasynyń 49 jyldyq mereıtoıyna oraı kópbalaly 15 otbasy baspanaly boldy, dep habarlaıdy QazAqparat tilshisi.

Onyń ishinde Sheńgeldi aýyldyq okrýginde - 3 úı, Zarechnyı aýyldyq okrýginde - 1 páter jáne 1 úı, Qapshaǵaı qalasynda 10 páterdiń kiltteri tabystaldy.

«Usynylǵan baspanalar bıýdjet esebinen, sondaı-aq metsenattar tarapynan satyp alyndy. Kópbalaly otbasylarǵa qoldaý kórsetý jumystary budan ári jalǵasatyn bolady. Atalǵan sharalar qala turǵyndarynyń turmys sapasyn arttyrýǵa baǵyttalyp otyr», - dedi Qapshaǵaı qalasy ákiminiń baspasóz qyzmetiniń ókili Ardaq Qasymhan.

Aıta ketý kerek, Almaty oblysynda kópbalaly jáne az qamtylǵan 100-ge jýyq otbasy demeýshilerdiń qoldaýymen baspanaly boldy.