Qapshaǵaıda Qonaevtyń kóligi kórmege qoıyldy

QAPShAǴAI. QazAqparat - Qapshaǵaılyqtar Naýryz merekesin sán-saltanatpen atap ótýde. Shaharda Ulystyń uly merekesine oraı kóne kólikterdiń kórmesi uıymdastyryldy. Eski úlgidegi avtokólikterdiń ishinde Dinmuhamed Qonaev mingen mashına da bar, dep habarlaıdy QazAqparat tilshisi.

Rarıtetke aınalǵan kólikterdiń barlyǵy jergilikti turǵyn, kásipker Murat Sergebaevqa tıesili. Onyń aıtýynsha, eski mashınalardyń kollektsııasyn jınaý - onyń hobbıi. Kórmege kelgen jurt estelik sýretterge túsip jatty.

 

"Mende eski úlgidegi osyndaı 17 kólik bar. Іshindegi men úshin eń qymbaty Dinmuhamed Qonaev atamyzdyń "Chaıka" avtokóligi. Qazaqtyń birtýar perzenti 014 nomerimen turǵan myna kólikti 1985 jylǵa deıin mingen. Oǵan "Dodj" avtokóliginiń qozǵaltqyshyn ornatyp, qalpyna keltirdim. Kórmege qoıylǵan avtokólikterdiń barlyǵy júrip tur",  - dedi M.Sergebaev.