Qapshaǵaıda kóligimen qumǵa batyp qalǵan otbasy músheleri qutqaryldy

QONAEV. QazAqparat – Almaty oblysynyń qutqarýshylary Qapshaǵaı sý qoımasynyń jaǵalaýynda qumǵa kóligimen batyp qalǵan otbasy múshelerin qutqardy, dep habarlaıdy QazAqparat tilshisi.

Almaty oblysy Tótenshe jaǵdaılar departamentiniń málimetinshe, 7 maýsym kúni túngi saǵat 22:50-de TJD-nyń kezekshi bólimine Qapshaǵaı sý qoımasynyń soltústik jaǵalaýynda, «Altyn qum» demalys bazasynda ishinde adamdary bar kóliktiń qumǵa batyp qalǵany týraly habarlama túsedi.

Oqıǵa ornyna jetken Qonaev qalasynyń jedel-qutqarý jasaǵynyń qutqarýshylary «Chevrolet Nexia» markaly avtokóliktiń qumǵa batyp qalǵanyn anyqtady. Іshinde jaǵalaýǵa demalýǵa kelgen erli-zaıypty men bir jasar sábıi bolǵan. Saǵat 23:50-de qutqarýshylardyń kúshimen avtokólik negizgi jolǵa shyǵaryldy. Adamdar medıtsınalyq kómekke muqtaj bolǵan joq, úılerine aman-esen kaıtty«, - delingen Almaty oblysy TJD habarlamasynda.