Qapshaǵaıda kazıno aldynda turǵan qymbat kólikti qasaqana órtep ketti
TALDYQORǴAN. QazAqparat - Qapshaǵaıdaǵy kazınolardyń biriniń aldynda turǵan qymbat kólikti belgisiz bireýler órtep ketti. Qasaqana áreket jasaǵandar áli izdestirilip jatyr, dep habarlaıdy QazAqparat tilshisi.
Úsh adamnyń Toyota Land Cruiser kóligin qasaqana órtep jatqan áreketi beınebaqylaý kamerasyna túsken. Beınejazbada úsh jigit aldymen kólikti búldirip, artynsha tapanshaǵa uqsas zatpen kólikti órtep, oqıǵa ornynan qashyp ketedi.
«27 tamyz kúni Qapshaǵaı qalasyndaǵy kazınolardyń biriniń ókili Qapshaǵaı qalalyq ІІB-ge aryz túsirdi. Ol kazınonyń aldynda turǵan jarnamalyq mashınany belgisiz bireý órtep jibergenine shaǵymdanǵan. Toyota Land Cruiser kóligin órtegender áli izdestirilip jatyr», + dedi Almaty oblystyq ІІD baspasóz qyzmeti.
Qazirgi tańda osy faktige sáıkes QR QK 202-baby 2-tarmaǵy boıynsha (Bótenniń múlkin qasaqana joıý nemese búldirý) qylmystyq is qozǵaldy.
