Qapshaǵaıda erli-zaıyptylardy aıaýsyz sabap óltirgen kúdikti quryqtaldy
ASTANA. 28 tamyz. QazAqparat - Almaty oblysy jedel-izdestirý tobynyń qyzmetkerleri aǵymdaǵy jyldyń sáýir aıynda Qapshaǵaı qalasynda toptyq janjal kezinde metall turbamen otbasylyq jupty uryp óltirgen 31 jastaǵy er adamdy quryqtady.
Bul týraly QR ІІM baspasóz qyzmetiniń málimetinde habarlandy.
Ol qylmystyń izin jasyrý maqsatynda máıitterdi jábirlenýshilerge tıisti «Mersedes» avtokóliginiń júk salǵyshyna tıep, Іle ózeniniń ańǵaryna ákelip, órtep jibergen.
«Kúdiktige qatysty «qamaýǵa alý» túrinde bultartpaý sharasy qoldanyldy», - delingen ІІM málimetinde.
