Qapshaǵaıda eki kún karantınde jatqan 64 jumysshy dertten saý bolyp shyqty
TALDYQORǴAN. QazAqparat - Qapshaǵaı qalasynyń mańyndaǵy demalys oryndarynyń birine ornalastyrylǵan Teńiz kenishi qyzmetkerleri COVID-19 ınfektsııasyna analız tapsyrǵan bolatyn. Búgin sol zertteýlerdiń qorytyndysy belgili boldy. 64 azamattyń barlyǵynyń qorytyndysy taza bolyp shyqty, dep habarlaıdy QazAqparat tilshisi Almaty oblysy ákiminiń baspasóz qyzmetine silteme jasap.
Eki kún karantınde bolǵan Almaty oblysynyń turǵyndary búgin arnaıy kóliktermen turǵylyqty jerlerine jetkiziledi.
Eske salsaq, keshe «Atyraý–Almaty» áýe reısimen kelgen «Teńizshevroıl» JShS-da jumys isteıtin Almaty oblysynyń 64 turǵyny Qapshaǵaı mańyndaǵy «Kúnshýaq» demalys ornyna ornalastyrylyp, karantınge alynǵan bolatyn.
