Qapshaǵaıda eki birdeı áskerı qyzmetshini pyshaqtaǵan kúdikti ustaldy - QR ІІM
ASTANA. 27 naýryz. QazAqparat - Almaty oblysynyń polıtsııa qyzmetkerleri Qapshaǵaı qalasynda júrgizgen jedel-izdestirý sharalary barysynda Qorǵanys mınıstrliginiń áskerı qyzmetshisin óltirgen kúdiktini ustady.
Bul týraly búgin brıfıngte QR Іshki ister mınıstrliginiń resmı ókili Nurdildá Oraz málimdedi.
Onyń aıtýynsha, Qorǵanys mınıstrliginiń vzvod komandırleri 17 naýryzǵa qaraǵan túni oıyn-saýyq ortalyǵynan qaıtyp bara jatyp, qalalyq ákimshiliktiń mańynda kómekke shaqyrǵan áıel adamnyń daýysyn estigen. Daýys shyqqan jerge júgirip jetken ofıtserler janjaldasyp jatqan jigit pen boıjetkenniń ústinen túsedi. Kúdikti qyzǵa bolyspaqshy bolǵan jigitterge pyshaq jaraqatyn salyp, avtokólikpen oqıǵa ornynan izin sýytqan.
«Qandy oqıǵa nátıjesinde jábirlenýshilerdiń biri kóz jumyp, ekinshisi aýrýhanaǵa jetkizildi. Kúdikti azamat qamaýǵa alyndy. Aldyn ala tergeý amaldary jalǵasýda», - dep atap ótti N. Oraz.
