Qapshaǵaıda bokstan jasóspirimder arasynda respýblıkalyq jarys ótedi
ALMATY. Maýsymnyń 25-i. QazAqparat /Erlik Erjanuly/ - Qapshaǵaıda maýsymnyń 26-30-y kúnderi bokstan respýblıkalyq jarys ótedi.
KSRO sport sheberi Qulmuhambet Satybaldyuly Quljabaev atyndaǵy bul týrnır bıyl 15-shi ret bolmaq. Ony Almaty oblystyq sport mektebi men Q. Quljabaevtyń joldastary birigip uıymdastyrýda. Dástúrli sport dodasy bıyl 1995-1996-shy jyldary týǵan jasóspirimder arasynda ótedi. Oǵan elimizdiń barlyq oblystarynan komandalar qatysqaly otyr. Jarystyń qurmetti meımandary arasynda Sıdneı Olımpıadasynyń chempıony Ermahan Ybyraıymov, ulttyq qurama múshesi Danııar Ústembaev jáne «Aqjol» partııasynyń tóraǵasy Álıhan Báımenov bolady dep josparlanýda.
