Qapshaǵaıda bıyl jańa jaǵajaılar ashylady
QONAEV. KAZINFORM — Byltyr shomylý maýsymynda Qonaev qalasy men Qapshaǵaı sý qoımasyna 1,5 mln demalýshy kelgen.
Qonaev qalasynyń ákimi Ashat Berdihanov kásipkerlermen kezdesýinde qala mańyndaǵy jaǵajaılarǵa baılanysty joba-josparlarymen bólisti.
Onyń aıtýynsha, 2024 jyly № 5 jaǵajaı qoldanysqa berilgen. Qazirgi ýaqytta bul mańda taǵy 1 shaqyrym jaǵajaıdy abattandyryp jatyr.
Sondaı-aq qurylys jumystary № 8 jaǵajaıda da júrip jatyr.
— Endi jýyq arada № 6, 7-shi jaǵajaıdy abattandyryp, qoldanysqa berý qajettiligi týyndap otyr. Sebebi shomylý maýsymynda osy qalalyq jaǵajaıǵa kelip, demalatyn adamdardyń sany basqa oryndarmen salystyrǵanda aıtarlyqtaı kóp. Jyl basynda aýmaǵy 7,5 gektar jaǵajaı «Qonaev áleýmettik-kásipkerlik korporatsııasy» AQ-ǵa 10 jylǵa ýaqytsha paıdalanýǵa berildi. Endi korporatsııa jaǵajaıdy jańǵyrtýǵa belsene kirispek nıette, — dedi Ashat Berdihanov.
Eske salaıyq, buǵan deıin Qapshaǵaıda tórt jáne bes juldyzdy birneshe qonaqúı salynatynyn jazǵanbyz.