Qapshaǵaıda balany qutqarmaq bolǵan kelinshek pen jigit sýǵa ketti
ASTANA. QazAqparat - Qapshaǵaı sý qoımasynda 10 jasar balany qutqarýǵa umtylǵan eki eresek mert boldy, dep habarlaıdy QazAqparat Almaty oblysynyń Tótenshe jaǵdaıdar departamentine silteme jasap.
Qaıǵyly oqıǵa 11 tamyz kúni keshki ýaqytta bolǵan. Onda sýǵa batyp bara jatqan 10 jastaǵy balany qutqarýǵa umtylǵan 24-tegi kelinshek pen 37 jastaǵy er adam da mert bolǵan.
«Úsh adamnyń sýǵa ketkeni týraly habar 20:10-da kelip tústi. Olar ruqsat berilmegen orynda shomylǵan. Qarańǵyda izdestirý jumystaryn júrgizý múmkin bolmady jáne TJD jedel-qutqarý jasaǵynyń tórt qyzmetkeri tańǵy 5-te jumysqa kiristi. Qazirgi ýaqytta úsheýiniń de denesi tabyldy», - dep jaýap berdi oblystyq TJD resmı ókili Azamat Jurtbaev QazAqparat tilshisine.
Departament ókiliniń aıtýynsha, jyl basynan beri Almaty oblysynda 46 adam sýǵa ketken, onyń 11-i - balalar.
«Sýǵa ketken 46 adamnyń barlyǵy derlik ruqsat etilmegen jerde shomylǵan. Almaty oblysynyń Tótenshe jaǵdaılar departamenti arnaıy oryndarda ǵana shomylýdy, mas kúıde sýǵa túspeýdi jáne balalardy qaraýsyz qaldyrmaýdy suraıdy», - dedi Azamat Jurtbaev.
