Qapshaǵaıda 4 bala ıis tıip, aýrýhanaǵa tústi
TALDYQORǴAN. QazAqparat - Qapshaǵaı qalasynda 4 bala ıis tıip ýlandy degen boljammen aýrýhanaǵa jatqyzyldy. Olar 2003-2006 jyldar aralyǵynda týǵan balalar, dep habarlaıdy QazAqparat tilshisi.
Jasóspirimder Qapshaǵaı qalasyna qarasty Qosqudyq stantsııasynda turatyn bir otbasynyń músheleri bolyp shyqty. Olar túnde shyrt uıqyda jatqan kezde qatty otynmen jylytylatyn peshtiń aqaýynan ýlanǵan. Dálirek aıtqanda murjanyń bitelýi sebep bolǵan, deıdi mamandar.
Qazirgi tańda ıis tıgen balalardyń jaǵdaıy ortasha-turaqty. Olar dárigerlerdiń baqylaýynda.
