Qapshaǵaıda 300 keli balyqty zańsyz aýlaǵan brakonerler ustaldy
NUR-SULTAN. QazAqparat – Qapshaǵaı sý qoımasynda zańsyz balyq aýlaǵan úsh brakonerdi ustaldy, dep habarlaıdy QazAqparat.
«2019 jyly 5 jeltoqsanda «Brakoner» jedel aldyn alý sharasy aıasynda Almaty oblystyq orman sharýashylyǵy jáne janýarlar dúnıesi aýmaqtyq ınspektsııasynyń memlekettik ınspektorlary Almaty oblystyq polıtsııa departamentiniń tabıǵat qorǵaý polıtsııa qyzmetkerlerimen birlesip, Qapshaǵaı sý qoımasynyń balyq aýlaý aýmaǵynda tirkeýsiz nómiri joq aspaly eki qaıyqta zańsyz balyq aýlaǵan brakonerlerdi ustady», - dep habarlady Orman sharýashylyǵy jáne janýarlar álemi komıtetiniń baspasóz hatshysy Sáken Dildahmet.
Zań buzýshylar tyıym salynǵan aýlaý quralyn qoldanyp 300 kg balyq aýlady, onyń ishinde 249 kg kókserke balyǵy, 51 kg taban balyǵy bar.
«Balyq resýrsyna keltirilgen shyǵyn somasy - 1 005 902 teńge. Atalǵan fakt Sotqa deıingi tergeýdiń biryńǵaı reestrine tirkelip, QR Qylmystyq Kodeksiniń 335-baby 1-bólimi boıynsha eki qylmystyq is qozǵaldy» delingen habarlamada.
Foto: www.facebook.com/s.dildakhmet
