Qapshaǵaıda 21 jastaǵy qyz sýǵa batyp ketti

QONAEV. QazAqparat – Almaty oblysynda 2002 jylǵy qyz sýǵa túsýge ruqsat etilmegen jerde túnde shomylyp júrip batyp ketti. Bul týraly oblystyq Tótenshe jaǵdaılar departamenti málim etti, dep habarlaıdy QazAqparat tilshisi.

Vedomstvo málimetinshe, qaıǵyly jaǵdaı Qapshaǵaı sý qoımasynda boldy.

«Bir top jas «Pıoner» demalys aımaǵynyń mańynda sýǵa túsýge arnalmaǵan jerde demalǵan. Jastar mas kúıinde sýǵa túsken. Óz kúshin asyra baǵalaǵan boıjetken tereńge deıin júzip baryp, sýǵa batyp ketti», - dep habarlady Almaty oblysynyń TJD baspasóz qyzmetinen.

Tótenshe jaǵdaılar departamentiniń ókilderi qaýipsizdik erejelerin buzǵan 5 azamat «Ákimshilik jaýapkershilik týraly» QR Kodeksiniń 412-baby boıynsha ákimshilik jaýapqa tartylǵanyn aıtty.

Mamandar eskertýler men tyıym salý belgileri jerlerde sýǵa túsýge, sondaı-aq jabdyqtalmaǵan, beıtanys jerde sýǵa túsýge qatań tyıym salynatynyn eske saldy.