Qapshaǵaı jaǵajaılarynda demalýshylar burshaq pen kúshti daýylǵa tap boldy

ALMATY. QazAqparat Qapshaǵaı jaǵajaılarynda demalyp jatqan adamdarǵa aýa raıynyń qolaısyzdyǵy áser etti. Internet qoldanýshylary daýyldyń beınejazbalaryn áleýmettik jelilerde bólisýde, dep habarlaıdy QazAqparat.

Buǵan deıin Qazaqstannyń 14 oblysynda daýyl týraly eskertý jarııalanǵan bolatyn. Onda Almaty men Almaty oblysynda kún kúrkirep, burshaq jaýýy yqtımaldyǵy, ońtústik-batystan soqqan jel, naızaǵaı kezinde 15-20 m / s, ekpini 23-28 m /s jetetindigi aıtylǵan edi.

Sondaı-aq 9 shildede almatylyqtarǵa qatty jel týraly eskertildi. Buǵan qaramastan, Qapshaǵaı sý qoımasynyń jaǵasynda týrıster kóp boldy. Áleýmettik jeli qoldanýshylary bólisken kadrlarda burshaq pen daýyldyń demalýshylardy dúrliktirgeni kórinedi.