Qapshaǵaı jaǵalaýynda joǵalǵan 4 jasar bala tabyldy
ALMATY OBLYSY. QazAqparat – Almaty oblysynyń qutqarýshylary Qapshaǵaıda joǵalyp ketken qyz balanyń anasyn tapty, dep habarlaıdy QazAqparat.
8 tamyz kúni saǵat 14:40-ta Qapshaǵaı sý qoımasyndaǵy qutqarýshylarǵa kýágerler kishkentaı qyz balanyń ata-anasyn tappaı jylap júrgenin habarlady.
«Qutqarýshylar tórt jasar qyzdyń anasyn shamamen 30 mınýttaı izdedi. Jaǵalaýdaǵy kúrkede demalyp otyrǵan ata-anasy qyzynyń joǵalǵanyn baıqamaı da qalǵan. Qutqarýshylardyń «Balańyzdy joǵaltyn alǵan joqsyz ba?» degen suraǵyna áýeli «joq» dep jaýap bergen olar kóp uzamaı, qyzynyń joq ekenin aıtty», - dep atap ótti Almaty oblystyq Tótenshe jaǵdaılar departamentiniń baspasóz qyzmetinen.
Departament qyzmetkerleri eresekterdi balalaryn ásirese sý mańynda qaraýsyz qaldyrmaýyn suraıdy.
