Qapshaǵaı tas jolynda eki kólik soqtyǵysyp 6 adam zardap shekti
TALDYQORǴAN. QazAqparat - Qapshaǵaı tas jolynyń soltústik baǵytynda jol kólik oqıǵasy bolyp, 6 adam zardap shekti, dep habarlaıdy QazAqparat tilshisi.
«Magným» saýda kesheniniń tusynda Mercedes markaly kólik keri burylý úshin toqtaıdy. Osy sátte oǵan shaǵyn avtobýs kelip soǵylady. Qatty soqqydan jeńil kólik shyr aınalǵan.
Jol apatynan 6 adam zardap shekti. Olardyń ekeýi Mercedes kóliginiń jolaýshylary bolsa, tórteýi mıkroavtobýs jolaýshylary.
Zardap shegýshiler arasynda kámeletke tolmaǵan eki bala bar.
Oqıǵa ornynda jol polıtsııasynyń qyzmetkerleri jumys istep jatyr.
