Qapshaǵaı sý qoımasynda shomylý maýsymy bastaldy
QONAEV. KAZINFORM — Qonaevta 1 maýsymnan bastap shomylý maýsymy resmı túrde ashyldy.
Qonaev qalasy ákimdiginiń málimetinshe, kommýnaldyq jaǵajaılar demalýshylardy qabyldaýǵa daıyn. Ásirese № 5 jaǵajaıda qaýipsizdik máselesine erekshe kóńil bólingen. Munda 12 qutqarý munarasy ornatylyp, 26 qutqarýshy jumys isteıdi. Sonymen qatar jaǵajaı aýmaǵyna 21 beınebaqylaý kamerasy qoıylǵan.
Jaǵajaı aýmaǵynda sanıtarlyq toraptar men tamaqtaný oryndary jumys isteıdi. Kún saıyn arnaıy qyzmetkerler jaǵalaýdy birneshe ret qoqystan tazartady. Al jaıaý júrginshiler úshin kirý tegin.
Sondaı-aq munda salyp jatqan attraktsıondar parki 10 maýsymǵa qaraı kelýshilerge esigin ashady.
Qalalyq tótenshe jaǵdaılar basqarmasy jaǵajaılarda keshki saǵat 20:00–den keıin shomylýǵa tyıym salynatynyn habarlady. Kún saıyn patrýldeý uıymdastyrylyp, keshki ýaqytta arnaıy reıdter júrgizilmek.
— Qonaevta aldaǵy ýaqytta 5 shaqyrymnan astam jaǵajaıdy abattandyrý josparlanǵan, — dep habarlady ákimdikten.
Eske salaıyq, Astanada shomylýǵa ruqsat etilgen 5 oryn belgilendi.
