Qapshaǵaı sý qoımasynda jaǵadan alystap ketken 6 demalýshy qutqaryldy
NUR-SULTAN. QazAqparat -15 tamyzda Qapshaǵaı sý qoımasynda 6 demalýshy qutqarylyp, jaǵaǵa jetkizildi,dep habarlaıdy QazAqparat QR ІІM Tótenshe jaǵdaılar komıtetiniń resmı saıtyna silteme jasap.
Olar túnde 9 jergilikti motorly qaıyqpen serýenge shyqqan, janarmaı taýsylyp qalǵandyqtan óz betinshe jaǵaǵa orala almaǵan.
Sondaı-aq 15 tamyzda «Zolotye peskı» demalys aımaǵy aýmaǵynda Qapshaǵaı sý qoımasynda patrýldeý kezinde qutqarýshylar 1976 jyly týǵan áıel men 2008 jyly týǵan qyzdy qutqardy, bular da jaǵadan 40 metr qashyqtyqta bolǵan. Sonymen qatar, qutqarýshylar joǵalyp ketken 2015 jyly týǵan balany taýyp, týystaryna tapsyrdy.
15 tamyzda Balqash kólinde Sarqan aýdany Lepsi aýylynan 25 shaqyrym jerdegi «Saıran» demalys aımaǵynda qutqarýshylar 2014 jyly týǵan balany tapty.
Jyl basynan beri elimizdiń sý aıdyndarynda qutqarýshylar 158 adamdy, onyń ishinde 33 balany ajaldan aman alyp qaldy. Al shomylý maýsymy bastalǵannan beri (1 maýsym) 136 adam qutqaryldy. Sonymen qatar, joǵalǵan 2 sańyraýqulaq jınaýshy tabyldy.
16 tamyzda Qostanaı oblysy Jitiqara aýdany Jitiqara qalasynan 30 shaqyrym jerde qutqarýshylar men polıtsııa qyzmetkerleri 1962 jyly týǵan jáne 1957 jyly týǵan er adamdardy izdestirý jumystaryn júrgizdi, olar 14 tamyzda sańyraýqulaq terýge shyǵyp, qaıtyp oralmaǵan. Іzdeý toby kúndiz Jetiqara qalasynan 30 shaqyrym jerdegi orman alqabynan joǵalyp ketkenderdi tapty.
