Qapshaǵaı sý qoımasynda jaǵadan 8 shaqyrymǵa alystaǵan eki adam qutqaryldy
TALDYQORǴAN. QazAqparat - Qapshaǵaı sý qoımasynan 25 jáne 27 jastaǵy eki azamat qutqaryldy, dep habarlaıdy QazAqparat tilshisi.
«2020 jyldyń 27 mamyrynda saǵat 22:38-de Almaty oblysynyń TJD-ne Qapshaǵaı sý qoımasynyń soltústik jaǵalaýynda qaıyqqa mingen eki adamnyń jeldiń kúshimen jaǵadan alystap ketkendigi týraly habarlama tústi.
Іzdestirý-qutqarý jumystary júrgizilgen sátte qatty jel soǵyp, qutqarýshylarǵa aýa-raıy qolaısyzdyq týǵyzǵan.
Sý qoımasynda joǵalǵandar jaǵadan segiz shaqyrym jerden tabyldy jáne qaýipsiz jerge jetkizildi.
Qutqarylǵandar 1995, 1997 jyly dúnıege kelgen Qapshaǵaı qalasynyń turǵyndary. Olar sol sátte dostarymen demalysta bolǵan.
Kómek týraly belgi olardyń tanystarynan kelip tústi, - delingen Almaty oblystyq TJD baspasóz qyzmeti taratqan habarlamada.
Vedomstvo ókilderi azamattardy saq bolýǵa jáne sýdaǵy qaýipsizdik erejelerin saqtaýǵa shaqyrady. Sýǵa shyǵar aldynda aýa raıyn bilip, sondaı-aq qutqarý keýdeshelerin kııýdi eske salady.
