Qapshaǵaı sý qoımasynda shabaqtar qyrylyp qaldy
Bul jaıynda áleýmettik jelide taraǵan vıdeodan belgili boldy. Onda júzdegen óli shabaqtyń jaǵaǵa shyǵyp qalǵanyn kórýge bolady. Kýágerlerdiń aıtýynsha, bul jaǵdaı Qapshaǵaı sý qoımasynyń Arystan taýy mańynda bolǵan.
Oǵan qatysty Almaty oblysynyń prokýratýrasy túsinik berdi.
«Bul fakti boıynsha Balqash-Alakól oblysaralyq balyq sharýashylyǵy ınspektsııasynyń ókilderinen, qoryqshylar, qalalyq ákimdik pen ekologııa departamenti qyzmetkerlerinen vedomstvoaralyq komıssııa quryldy. Tekserýden keıin tıisti baǵa beriledi. 1 qarashada osy ýchaskede «Aına Sý» JShS 30 myń shabaqty sýǵa jibergen. Aldyn ala málimet boıynsha, qatty daýyl kezinde shabaqtardyń bir bóligi jaǵalaýǵa laqtyrylyp qalǵan» delingen habarlamada.
Aıta keteıik, Ekologııa, geologııa jáne tabıǵı resýrstar mınıstrliginiń qoǵammen baılanys departamentiniń dırektory Oljas Berkinbaev Balyq sharýashylyǵy komıteti ınspektsııasynyń mamandary mán-jaıdy anyqtaý úshin sý aıdynyna barǵanyn jetkizdi.
«Sonymen qatar, nusqaýlyqqa sáıkes barlyq múddeli memlekettik organdar men uıymdar arnaıy komıssııa qurý úshin habardar etildi. Qosymsha aqparatty ýaqytymen habarlap otyramyz» deıdi ol.
Vıdeodan alynǵan kadr
