Qapshaǵaı sý qoımasynda 19 jastaǵy jigit sýǵa batyp ketti
TALDYQORǴAN. QazAqparat - Qapshaǵaı sý qoımasynda 2001 jyly týǵan azamat qaza tapty. Qaıǵyly jaǵdaıdy Almaty oblystyq TJD baspasóz qyzmeti rastady, dep habarlaıdy QazAqparat tilshisi.
«Oqıǵa 24 maýsym kúni tústen keıin bolǵan. 6 bala katamaranǵa minip, sýdyń tereń jerine ıaǵnı, shamamen jaǵalaýdan 500 shaqyrym jerge baryp, kezek-kezek sekirgen. Sol sátte 2001 jyly týǵan jigit sýdan shyqpaı qalǵan. Qol-aıaǵy tartylyp qaldy ma, ol jaǵy belgisiz. Demalýshylarǵa ruqsat etilmegen jerge sýǵa túspeý kerektigin eskertemiz» dedi atalǵan vedomstvonyń baspasóz qyzmetinen.
Belgili bolǵandaı, kóz jumǵan jas jigit Almatydaǵy kolledjderdiń birinen dıplom alyp, dostarymen birge Qapshaǵaı sý qoımasyna kelgen.
Ókinishke qaraı, demalýshylardyń qýanyshy qaıǵyly jaǵdaımen aıaqtaldy.
