Qapshaǵaı sý qoımasynan bir kúnde 6 adam qutqaryldy
TALDYQORǴAN.QazAqparat - Qapshaǵaı sý qoımasynan bir kúnde alty adam qutqaryldy. Onyń tórteýi katamaranmen serýendep júrip, qatty jelden kóldiń ortasyna ketip qalǵan, dep habarlaıdy QazAqparat tilshisi.
«24 maýsym kúni 4 adam eki katamaranmen serýendep júrgende qatty jel olardy jasandy kóldiń ortasyna áketip qalǵan. Abyroı bolǵanda, júzý quraly aýdarylmady. Onyń ústine qaýipsizdik keýdeshesi demalýshylardyń aıaǵynyń astynda bolǵan. Bul tipten qaýipti. Eń bastysy qutqarýshylardyń jedel áreketiniń nátıjesinde barlyǵy din aman», - dep málimdedi Almaty oblystyq TJD baspasóz qyzmetinen.
Qutqarýshylardyń málimetinshe, ekinshi jaǵdaıda ishimdik iship alǵan er azamat jaǵalaýdan 400 metr jerge júzip ketken. Al úshinshi jaǵdaıda skýtermen sýda júrgen er adam jaǵalaýdan 2 shaqyrym alystap, qurylǵysy otalmaı qalǵan. Mamandardyń kómegimen barlyq adam jaǵalaýǵa aman-esen jetkizilgen.
Tótenshe jaǵdaı qyzmetiniń mamandary sýda qaýipsizdik erejelerin qatań saqtaýdy eskertedi. ıAǵnı, aýa raıy qolaısyz kezde sýǵa túspeý kerek.
Aıta keteıik, Qapshaǵaı sý qoımasynda kúnine 10-ǵa jýyq qutqarýshy adam qaýipsizdigin saqtaý maqsatynda jumys isteıdi. Al demalys kúnderi olardyń sany eki ese artady.
