Qapshaǵaı mańynda kólik aýdarylyp, úsh adam mert boldy
TALDYQORǴAN. QazAqparat - Almaty-Óskemen tas jolynyń 66 shaqyrymynda «Lada granta» kóligi aýdarylyp, 3 adam mert bolyp, taǵy eki adam jaraqattandy. Kólik apatyna túsken avtokólik Almaty jaqqa qaraı baǵyt alǵan, dep habarlaıdy QazAqparat tilshisi.
«2 maýsym kúni 16 saǵat 42 mınýtta Qapshaǵaı qalalyq polıtsııasynyń kezekshe bólimine kólik apaty jaıly habarlama tústi. Oqıǵa Almaty-Óskemen tas jolynyń 66-shy shaqyrymda bolǵan. Aýdarylǵan «Lada granta» kóliginiń 27 jastaǵy júrgizýshisi, Taldyqorǵan qalasynyń turǵyny mert boldy. Sondaı-aq, 66 jastaǵy Qapshaǵaı qalasynyń jáne 61 jastaǵy Kerbulaq aýdanynyń turǵyny jan tapsyrdy. Taǵy eki adam jaraqattandy. Oqıǵanyń mán-jaıy anyqtalyp jatyr», -delingen Almaty oblystyq Polııatsııa departamenti baspasóz qyzmetiniń taratqan habarlamasynda.
