Qapshaǵaı mańynda erli-zaıyptylar mingen deltaplan qulady
TALDYQORǴAN.QazAqparat – Almaty oblysynyń Qapshaǵaı qalasynyń mańynda erli-zaıyptylar mingen deltaplan qulady. 24 jastaǵy áıel jaraqat alyp, aýrýhanaǵa jetkizildi, dep habarlaıdy QazAqparat tilshisi.
«31 mamyr keshki toǵyzdar shamasynda «Almaty-Óskemen» tasjolynyń 82-shi shaqyrymynda, ıaǵnı, Baqanas aýylynyń mańynda eki kisilik deltaplannyń qulaǵany jóninde habarlama kelip tústi. Ushý quraly - jekemenshik. 1996 jylǵy azamatsha zardap shegip, Qapshaǵaı qalasynyń aýrýhanasyna jetkizildi» delingen Almaty oblystyq TJ departamenti baspasóz qyzmetiniń habarlamasynda.
Ushqyshtyń sózinshe, olar shamamen 5-10 metr bıiktikke kóterilgen kezde deltaplannyń qozǵaltqyshy óship qalǵan. 1979 jylǵy azamat ushý quralyn shamasy kelgenshe basqara otyryp, joldyń jıegine qulaǵan.
Oqıǵa ornyna tótenshe jaǵdaı qyzmetiniń 10 mamany men 3 tehnıka barǵan.
