Qapshaǵaı mańynda 4,9 baldyq jer silkinisi boldy
NUR-SULTAN. QazAqparat – Qapshaǵaı mańynda jer silkindi, dep habarlaıdy QazAqparat Almaty oblysynyń Tótenshe jaǵdaılar departamentiniń resmı saıtyna silteme jasap.
QR Bilim jáne ǵylym mınıstrligine qarasty «Seısmologııalyq tájirıbe-ádistemelik ekspedıtsııasy» MM 18 tamyzda Almaty ýaqytymen 09 saǵat 12 mınýt 13 sekýndta jer silkinisin tirkedi.
Zilzala oshaǵy Almatydan soltústikke qaraı 78 shaqyrym jerde, Qapshaǵaı qalasynyń mańynda ornalasqan. Jer silkinisini energetıkalyq sanaty – 9.6. MPV magnıtýdasy - 4.9. Tereńdigi - 20 km.
Sezilgeni týraly málimet (MSK-64 shkalasy boıynsha): Qapshaǵaıda 2-3 ball.
«Almaty oblysynyń tótenshe jaǵdaılar departamenti osy aqparatty alǵannan keıin jergilikti atqarý organdaryna, tótenshe jaǵdaılar bólimshelerine, polıtsııa departamentine, prokýratýrany jáne basqa uıymdarǵa habar beredi. Ǵımarattardyń qıraýy nemese qurban bolǵandar týraly aqparat joq», - dep málimdedi Almaty oblysy TJD baspasóz qyzmeti.
