Qapshaǵaı kólinde qaýipsizdik erejelerin saqtamaǵan azamattarǵa aıyppul salyndy
Almaty oblysynyń Qapshaǵaı sý qoımasynyń akvatorııasynda reıdtik is-sharalar ótti, dep habarlaıdy Kazinform.
Almaty oblysynyń tótenshe jaǵdaılar departamentiniń málimetinshe, «2023-2024 jyldyń kúzgi jáne qysqy balyq aýlaý kezeńinde oblystyń negizgi sý aıdyndarynda reıdtik is-sharalar ótkizý kestesine» sáıkes Qapshaǵaı sý qoımasynyń akvatorııasynda reıdtik is-sharalar ótkizildi.
«Reıd barysynda TJD qyzmetkerleri balyq aýlaý kezinde qaýipsizdik erejelerin saqtamaǵany úshin QR ÁQBK-niń 412-baby (Sý aıdyndaryndaǵy qaýipsizdik erejelerin buzý nemese oryndamaý) boıynsha ákimshilik hattama toltyrylyp, 72 myń 450 teńge aıyppul salýmen 3 jeke tulǵany ákimshilik jaýapqa tartty. Bul is-sharalar balyq aýlaý kezinde qaýipsizdik erejelerin saqtaý qajettiligi týraly qaǵıdalardy halyqqa jetkizý maqsatynda turaqty negizde júrgiziledi», - dep habarlady vedomstvonyń baspasóz qyzmeti.
Sondaı-aq TJD-da qoǵamdyq oryndarda balyq aýlaý kezindegi minez-qulyq erejelerin túsindirý boıynsha turaqty negizde jumystar, tótenshe jaǵdaıdy aldyn alý jáne balyq aýlaý kezinde sýdaǵy qaýipsizdiktiń negizgi erejelerin saqtaý boıynsha BAQ arqyly belsendi profılaktıkalyq jumystar uıymdastyrylǵanyn habarlady.
Almaty oblysynyń Tótenshe jaǵdaılar departamenti azamattardan balyq aýlaý kezinde qaýipsizdik erejelerin saqtaýǵa shaqyrdy.
