«Qaplanbek» keden beketinde zańsyz taýar alyp ótpek bolǵan Tájikstan azamaty ustaldy

TÚRKІSTAN. QazAqparat - «Qaplanbek» keden beketinde zańsyz taýar alyp ótpek bolǵan Tájikstan azamaty ustaldy, dep habarlady Túrkistan oblysy boıynsha Memlekettik kirister departamentiniń baspasóz qyzmeti.

4 sáýirde Reseıden Tájikstanǵa baǵyttalǵan avtokólikte «Qaplanbek» keden beketinde Túrkistan oblysy MKD-niń qyzmetkerleri QR UQQ qyzmetkerlerimen birlese júrgizgen baqylaý, tekserý jumystary kezinde deklaratsııalanbaǵan orgtehnıka taýarlary baryn anyqtaǵan.

Tájikstan azamaty R.T. júk avtokóligimen taýarlardy zańsyz alyp ótpek bolǵan. Nátıjesinde jalpy quny 5 mln teńgege jýyq kompıýterdiń jınaqtaýshy bólikteri tárkilendi.

Atalǵan fakt boıynsha ustalǵandar jaýapqa tartyldy.

⠀