Kapıtan Amerıka týraly úshinshi fılm túsirilmek
ASTANA. QazAqparat - Kapıtan Amerıka týraly úshinshi fılm túsiriletin boldy. Marvel basshylyǵy «Kapıtan Amerıka: Qysqy jaýynger» kartınasyn kórgennen keıin, kelesi bólimdi túsirý qajet dep sheshipti. Bul týraly kinostan.kz saıty habarlaıdy.
Saıttyń málimetinshe, ekinshi fılmniń rejısserleri - aǵaıyndy Entonı Rýsso men Djo Rýssoǵa úshinshi kartınany da túsirýge usynys jasalǵan. Biraq, bul aqparat ázirge resmı rastalǵan joq.
Aıta keteıik, «Kapıtan Amerıka: Qysqy jaýynger» («Captain America: The Winter Soldier») 2014 jyly 26 naýryzda jaryqqa shyǵady. «Kapıtan Amerıka: Qysqy jaýynger» - 2011 jyly jaryq kórgen «Kapıtan Amerıka: Birinshi kek alýshy» («Captain America: The First Avenger») fılminiń sıkveli. Qazir atalmysh jobaǵa Krıs Evans, Semıýel L. Djekson, Skarlett Iohansson tárizdi tanymal akterler rólderdi somdaǵan «Kek alýshylar» fılmindegi belgili qaharmandar qatysatyny aıan bolyp otyr.
