Kapıtaldy qaıtarýǵa baǵyttalǵan sharalardy jedel qabyldaý kerek – Prezıdent

NUR-SULTAN. QazAqparat – Bızneske qysym kórsetken quqyq qorǵaý organlaryna qatysty qatań sharalar qabyldanady. Bul týraly Úkimettiń keńeıtilgen otyrysynda Prezıdent Qasym-Jomart Toqaev aıtty, dep habarlaıdy QazAqparat tilshisi.

«Ekonomıkalyq resýrstardyń zańsyz shoǵyrlanýyna qarsy is-qımyl men zańsyz jolmen alynǵan múlikti qaıtarý boıynsha jumystar bastaldy. Osy oraıda tıisti komıssııalar quryldy. Alaıda sońǵy kezderi olardyń belsendigi báseńdedi. Taýar naryqtaryn monopolııasyzdandyrý men kaptıtaldy qaıtarýǵa baǵyttalǵan sharalardy jedel qabyldaý kerek», - dedi Qasym-Jomart Toqaev.

Sonymen qatar Prezıdent óz isin adal atqaryp kele jatqan bızneske kedergi keltirý áreketterine jol bermeýdi tapsyrdy.

«Mundaı derekter bizde kezdesip jatady. Jergilikti jerlerde kásipkerlerge qysym kórsetý jaǵdaılary qaıta-qaıta jalǵasyp keledi. Eger bulaı jalaǵasa berse, onda quqyq qorǵaý organdarynyń ózderine qatysty qatań sharalar qabyldaımyz», - dedi Memleket basshysy.

Vıdeodan alynǵan kadr