«Kapıtal Mechty» pıramıdasy mańǵystaýlyqtardyń 1 mlrd teńgesin qaltasyna basqan

AQTAÝ. KAZINFORM — Qarjy monıtorıngi agenttiginń Mańǵystaý oblysy boıynsha departamenti «Kapıtal Mechty» JShS qarjy pıramıdasyna qatysty sotqa deıingi tergeýdi aıaqtady.

JShS basshysyna aı saıyn salynǵan somanyń 10% tóleý shartymen múlikti senimgerlik basqarý jáne qaryz berý sharttary negizinde salymshylardy tartý arqyly qarjy pıramıdasyn qurǵany jáne oǵan basshylyq jasaǵany úshin aıyp taǵyldy.

Qarjy pıramıdasynyń basshysy ızolıatorǵa qamaldy.

Qylmystyq árekettiń nátıjesinde jábirlenýshilerge asa iri mólsherde materıaldyq shyǵyn kelgen. Jalpy somasy 1 mlrd teńgeden asady.

Qylmystyq is sotqa jiberildi.