Qanjyǵaly Bógenbaıdyń aıbaltasy QR Áskerı-tarıhı mýzeıine tapsyryldy

ASTANA. QazAqparat - Búgin Qazaqstannyń «Aq jol» demokratııalyq partııasynyń Ortalyq keńsesinde Táýelsiz Qazaqstan Qarýly Kúshteriniń 25 jyldyǵyna oraı qazaqtyń has batyry Qanjyǵaly Bógenbaıdyń urpaqtary tarıhı tulǵanyń aıbaltasy men kise belbeýin QR Áskerı - tarıhı mýzeıiniń kórmesine tabys etý rásimi bolyp ótti, dep habarlaıdy atalǵan partııanyń baspasóz qyzmeti.

Bógenbaı batyrǵa tıesili qundy jádigerdi batyrdyń urpaqtary ǵasyrdan ǵasyrǵa aman-esen jetkizip, saqtap kelgen. Bul aıbalta - Bógenbaıdaı batyrdyń qalmaqqa qarsy kótergen bes qarýynyń biri bolǵan. Endi bul tarıhı jádigerdi kópshilik mýzeı kórmesinen kóre alady.

Rásimge mýzeı basshylyǵy jáne partııa ujymy, QR Parlamenti Májilisiniń depýtattary, BAQ ókilderi  qatysty.

Saltanatty shara barysynda «Aq jol» jetekshisi  Azat Perýashev Elbasy Nursultan Nazarbaevtyń «Rýhanı jańǵyrý:  bolashaqqa baǵdar» maqalasyndaǵy ultjandylyq qaǵıdasynyń negizgi máni - eldiń tarıhyn bilýden bastalatyn túsindire otyryp, bul jádigerdiń búgingi qoǵamnan alar tarıhı qundylyǵy men ózektiligin, baǵa jetpes, ulttyq asyl mura ekenin aıtyp ótti.

 

Mýzeı basshysy Perızat Ótepova batyrdyń bul jádigeriniń mýzeı kórmesinde turýy úlken bedel ekendigin túsindirip, urpaqtaryna alǵys aıtty.