Qanysh Sátbaev Táýelsizdikke zor úles qosqan tarıhı tulǵa - QR UǴA vıtse-prezıdenti Tólegen Qojamqulov
ALMATY. 1 aqpan. QazAqparat /Erlik Erjanuly/ - Qanysh Imantaıulynyń eńbegin bir kitapqa syıǵyzý múmkin emes. .
Bul týraly búgin Almatyda «Qanysh Sátbaev» entsıklopedııasynyń tusaýkeserinde aıtyldy.
«Qazaq tilinde jaryq kórgen «Qanysh Sátbaev» tulǵalyq entsıklopedııasy aldaǵy ýaqytta endi shetel tilderine aýdarylady. Bul «Qazaq entsıklopedııasy» baspasynyń ósý jolyndaǵy jańa bir beles bolyp otyr. Qanysh Sátbaev sııaqty tarıhı tulǵaǵa arnalǵan mundaı entsıklopedııa aldaǵy ýaqytta da shyǵatyn bolady. Búgingi otyrysta aıtylǵan usynys-tilekter bolashaq basylymdardy shyǵarýda eskeriledi», - deıdi QR UǴA vıtse-prezıdenti Tólegen Qojamulov. «Qazaq entsıklopedııasy» baspasynyń Bas redaktory Baýyrjan Jaqyptyń aıtýynsha, bul kitapqa engen sýretter 800-den astam sýretten iriktep alyndy. Tulǵalyq entsıklopedııada geolog-ǵalymnyń týyp-ósken ortasy men dúnıetanymynyń qalyptasýy, baı ǵylymı-óndiristik murasy men bilimi, memlekettik jáne qaıratkerlik qyzmeti men san-salaly shyǵarmashylyq jáne tájirıbelik eńbegi túrli qyrynan qamtylǵan. Sondaı-aq Q. Imantaıulynyń geologııa, taý-ken, metallogenııa jáne taǵy basqa da ǵylym salalaryna qatysty maqalalary men irgeli eńbekteri tuńǵysh ret qazaq tilinde baıandalyp, jeke berilip otyr.
