Qanysh Sátbaev entsıklopedııasy jaryq kórdi
ALMATY. 1 aqpan. QazAqparat /Erlik Erjanuly/ - Qazaqstandaǵy jeke tulǵalarǵa arnalǵan entsıklopedııalar qatary búgin Almatyda «Qanysh Sátbaevpen» tolyqty.
«Qazaq entsıklopedııasy» baspasynyń bas redaktory Baýyrjan Jaqyptyń aıtýynsha, QR Táýelsizdiginiń 20 jyldyǵyna arnalǵan bul eńbek Aqparat jáne muraǵat komıtetiniń «Ádebıettiń áleýmettik mańyzdy túrlerán basyp shyǵarý» baǵdarlamasy boıynsha shyǵarylyp otyr.
«Bul entsıklopedııanyń basty ereksheligi - Qanysh Imantaıulynyń balalyq shaǵynan bastap, eseıý jáne tulǵa retinde qalyptasý joldary men qorshaǵan ortasy túgel qamtylǵan. Sondaı-aq qoǵam jáne memleket qaıratkeriniń eńbekteri jınaqtalyp, ol týraly ǵylymı paıymdaýlar berildi. Bul rýhanı ómirimizdegi úlken oqıǵa, jańalyq dep baǵalaýǵa bolady», - deıdi B. Jaqyp. Qanysh Sátbaev entsıklopedııasyn shyǵarý isi «Qazaq entsıklopedııasy» baspasynda osydan 13 jyl buryn bastalǵan bolatyn. Alaıda materıaldardyń jetkiliksizdiginen bul úrdis keıin toqtap qalǵan edi. 45 jyldyq tarıhy bar bul mekemede táýelsizdik jyldary «Abaı» jáne «Muhtar Áýezov» tulǵalyq entsıklopedııalary jaryq kórdi.
