Qanynan dopıng tabylǵan tennısshi Arsan Arashov 2 jylǵa jarystardan shettetildi
ASTANA. QazAqparat - Qazaqstandyq tennısshi Arsan Arashovtyń qanynan dopıng tabylǵan. Sportshy meldonıı paıdalanǵany úshin eki jylǵa jarystardan shettetildi, dep habarlaıdy Halyqaralyq tennıs federatsııasynyń (ITF) baspasóz qyzmeti.
2016 jylǵy 9 shildede Gandııada ótken jarysta alynǵan dopıng-synama oń nátıje kórsetip, 17 jastaǵy sportshy 2016 jyldyń 30 qyrkúıegine deıin ýaqytsha jarystardan shettetilgen edi. Al dıskvalıfıkatsııa merzimi 2018 jyldyń 29 qyrkúıeginde aıaqtalady. Arashovtyń ótinishi boıynsha táýelsiz sot antı-dopıngtik buzý baǵdarlamasyna sáıkes, taraptardyń (Arashov pen ITF) dálelderin qarap, 10 sáýir kúni sportshyny dıskvalıfıkatsııalaý týraly sheshim shyǵardy.
Tennısshi reıtıngte 1729-orynda tur, dep jazady dodasport.kz.
